PASTEIBAK WENKE

​

YSKAS TOE: Jou deeg mag nooit warm word nie. Die vet smelt, olie syfer uit en die resultaat is ’n papperige deeg! Daarom, ontdooi jou deeg oornag in die yskas, rol uit op ’n koue oppervlak (nie langs die stoof nie) en laat rus deeg in die yskas vir 10-15 minute voor jy dit in die oond sit.Wenk: As jy warm hande het soos ek, sit jou hande in yswater en droog af net voor jy jou deeg hanteer.

 

GOUDBRUIN DEEG: Soms is jou deeg perfek goudbruin maar die vulsel is nog nie heeltemal gaar nie. Haal die pastei uit na 15 minute, of wanneer goudbruin, en bedek hoekies van die pastei (dit verbruin eerste en die vinnigste) met foelie.

 

KORS MET KRAAK: Om ’n papperige deeg aan die onderkant te vermy, verhit ’n bakplaat in die oond waarop jy jou pasteibak kan neersit in die oond - dit gelei die hitte na die bak.  Liezl se resep As jy vinnig deeg wil maak - wat nie in die yskas hoef te rus nie en nie uitgerol hoef te word nie - is hierdie resep perfek vir die kombersie oor jou vulsel! My ouma het altyd dié slapdegie oor my gunsteling, wildspastei, gegooi.

 

 

 

 

 

 

 

 

PASTEI DEEG

 

4 kop meelblom

4 tl bakpoeier

½ tl sout

250 g to bake botter

Yswater

Vryf smeer in droë bestanddele in, meng met yswater tot hanteerbare deeg. Sit in yskas vir tenminste 30 minute.

Rol  dun uit.

 

 

 

 

 

 

SLAP PASTEI DEEG

 

1 kop koekmeel

2 teel bakpoeier

125 ml botter of margarien

¾ k melk

1 eier

2 ml sout

Vryf botter in meel in

Klits eier, melk en meng dit in die meel in vir ’n slap deeg.

 

 

 

 

 

 

 

 

SLAP PASTEI KORS MET RYS

 

2 eiers

125ml melk

12,5ml gesmelte botter

125ml gaar rys

125ml meelblom

5ml bakpoeier

125ml gerasperde kaas

 

Klits die eiers goed en voeg die melk by.  Voeg botter en rys by. Sif meelblom en bak poeier by en skep bo-oor ‘n  vleismengel.  Bak tot goudbruin.

 

 

 

 

 

 

MIELIE KORS: SLAP DEEG

 

1 koppie bruismeel

1 teelepel mosterdpoeier

2 teelepels vars pietersielie

4 eetlepels botter

420g geroomde suikermielies

4 eetlepels melk

1 eier

 

Meng alles saam en gooi oor vleisgereg en bak tot goudbruin

 

 

 

 

 

 

PASTEIE MET KAPOKAARTAPPEL DEEG

 

1kg aartappels

2 kg meel

3 t bakpoeier

1 eier

METODE:

Kook aartappels soos wanneer jy mash wil maak laat afkoel.

Voeg die res van die bestanddele by maak in 'n deeg. rol uit.

Gebruik 'n klein bordjies om ronde pasteie te maak.

Voeg vulsel in.

Smeer helfTe van die rand met eier.

Vou toe en druk met vurk vas.

Bak in oond teen 180°C tot goudbruin

 

 

 

 

 

 

RYK HOENDER SAMPIOEN PASTEI

 

1 gaar hoeder, gerooster of gekook

½ hoender aftrekselblokkie

60 ml (g) botter

250 g fyn gesnipperde sampioene... enige soort

30 ml koekmeel

500 ml warm melk

30 ml Dijon mosterd

Sout en varsgemaalde swartpeper na smaak

½ rol Skilferkorsdeeg

1 eier geklits

METODE:

Ontbeen die hoender en vlok dit.

Druk die aftreksel fyn met 'n vurk en voeg dit by die botter in n braaipan.

Braai sampioene in die bottermengsel tot gaar. Sprinkel die meel oor en laat dit opborrel. Voeg die warm melk bietjiesgewys by en roer tot dik en gaar.

Voeg die mosterd en die fyn hoender by en roer goed.

Skep in 'n gesmeerde pasteibak en hou eenkant tot dit afgekoel is.

Verhit die oond tot 200°C.

Rol die deeg effens dunner ut op meelbestrooide oppervlakte en sny 'n groot genoeg stuk uit om op vulsel te pas.... of... druk skongrote koekies uit en plaas dit oormekaar oor die vulsel tot hele bak toe is.... kyk op foto.

Verf met die geklitste eier en bak vir 30 minute tot die kors bruin en gaar is.

 

 

 

 

 

 

OUMA SE HERDERSPASTEI

 

Uie en knoffel

500gr maalvleis

2 tot 3 pakkies tamatie puree

Gedroogte kruie, origanum, roosmaryn, tiemie

1 koppie rooiwyn

2 eetl bruinsuiker

sout en peper

Metode:

Sit die Gietysterpot bo-op vuur, braai uie en knoffel, voeg vleis by, en braai tot bruin.

Voeg die tamatie, kruie, wyn, suiker en sout by, roer goed.

Maak intussen kapokaartappels met bakpoeier, melk of room, en parmasaankaas, of enige kaas wat jy byderhand het, pak dit bo-op die vleis in die gietysterpot.

Sit deksel op, en pak gaar kole bo-op deksel.

Laat so staan vir 20 minute.

 

 

 

 

 

 

VINNIGE MAALVLEISPASTEI

 

1kg Maalvleis      

500ml Water

125ml Brood 

25ml Asyn

10ml Sout      

1ml peper

2ml Fyn naeltjies

2 Lourierblare

KORS

1 Eier

125ml Olie

250ml Meelblom

10ml Bakpoeier

125ml Melk    

2ml Sout

METODE

1. Voorverhit oond tot 180C

2. Kook vleismengsel 5 min, en verwyde lourierblare

3. Gooi in gesmeerde vleisskottel

4. Klits eier, olie en melk saam

5. Sif meelblom, bakpoeier en die sout by

6. Meng meelmengsel met eier mengsel

7. Gooi die kors bo-op die vleis

8. Bak 30 min of tot goudbruin verkleur .

 

 

 

 

 

 

VLEISROLLETJIES

 

Bestanddele

2 Koppies Meel

500 g Margarien

1 t Sout

1 Eier

2 t Asyn of Suurlemoensap

4 e Koue Water

1 kg Fyngemaalde vleis (helfte bees & helfte Vark)

 

Metode Deeg

Meng deeg en margarien totdat gekrummel. Klits eiergeel, asyn en water. Meng eiermengsel met meel mengsel. Laat goed afkoel voor gebruik.

 

Metode Vleisrolletjies

Neem deeg en rol uit. Sny kante mooi gelyk. Neem vleis en geur na smaak. Vul versiersak of buis (met geen punt) en vul met vleis. Druk op deeg sodat dit ‘n wors vorm. Rol vleis toe. Sny oortollige deeg af. Sorg dat las onder lê. Sny in verlangde grootte. Smeer eier of melk oor. Sny skuins kepe oor. Sprinkel met braaivleis speserye oor. Bak tot gaar.

 

 

 

 

 

 

BLITSIGE HOENDERPASTEITJIES

 

VULSEL

15 ml (1 e) olie

15 ml (1 e) botter

2 uie, gekap

250 g gemengde sampioene,

gekap

1 gaar hoender, vel verwyder en

gepluis

375 g roomkaas

60 ml (¼ k) gekapte vars pietersielie en tiemie

sout en vars gemaalde peper

KORS

400 g broskorsdeeg

1 eierwit, geklits

’n bietjie melk, vir borsel

METODE:

Voorverhit die oond tot 180 °C.

Spuit 8 tot 10 minibroodpannetjies of diep muffinholtesmet kossproei.

Vulsel - Verhit die olie en botter in ’n pan. Roerbraai die uie en sampioene tot gaar.

Roer die hoender, roomkaas en kruie by. Geur met die sout en vars gemaalde peper, skep uit en laat heeltemal afkoel.

Kors - Rol die deeg effens dunner uit en voer die pannetjies daarmee uit; hou deeg oor vir die doppies van die pasteie. Prik die kors met ’n vurk en smeer met die eierwit.

Vul elke holte met die vulsel. Sny die oorblywende deeg groot genoeg om oor die pasteitjies te pas en druk vas op elke pasteitjie.

Verf liggies met die melk en bak 25 tot 30 minute tot goudbruin en gaar.

 

 

 

 

 

 

SPEK ROL

 

1 blaardeeg/puff pastry – dun uitgerol

1 pak spek gesnipper

1 x 125 g fyn gekapte sampioene

½ green pepper

3 tot 4 snye ham repies gesny

1 fyn gekapte ui

1 wiel fetta kaas

SO MAAK JY:

Braai alles tot gaar

Smeer oor blaardeeg

Gerasperde gouda, mozarella, cheddar kaas

Strooi laag cheddar, laag gouda en laag mozarella (dun lagies) rol soos rolkoek op. Sny snitte vertikaal in blaardeeg. Smeer bietjie melk of mayonaise of eier oor.

Bak vir 45 minute by 180 grade tot gaar en goudbruin.

Werk mooi met jou deeg, moenie dt dit iewers skeur nie, anders kook jou mengsel uit.

WENK:

Maak soos 'n braai-pie in jou toeknyprooster.

 

 

 

 

 

 

BIEFSTUK-NIERTJIE PASTEI

 

BESTANDELE:

1.5 kg biefstuk

500 g  skaap niertjies

1/2 kop koekmeel

2 ml gemaalde gemmer

1 ml tiemie

3 tl Worcestersous

1 tl aangemaakte mosterd

1 t sout

30 ml sago

5 uie, opgekap

pasteikors:

1 k koekmeel

2 t bakpoeier

knippie sout

125ml sonneblomolie

125 ml melk

1 eier

SO GEMAAK:

Sny biefstuk in blokkies. Maak skaapniertjies skoon, sny die wit gedeelte binne uit en sny die niertjies ook in groterige blokkies.

Meng koekmeel, gemmer en tiemie en rol beesvleis en niertjieblokkies daarin tot goed gemeng.

Plaas dit in 'n dikboomkastrol en voeg die Worcestersous, mosterd en sout by. Voeg genoeg kookwater by om die vleis mee te bedek. Sit die deksel op en prut dit oor matige hitte totdat die vleis lekker sag is. Roer die mengsel af en toe om sodat dit nie aanbrand nie.

Week die sago in 'n bietjie koue water.

Voeg die uie en sago by die vleis en prut tot die vulsel dik is. Roer af en toe om aanbrand te voorkom. Skep die gaar vulsel in 'n groot oondvaste bak.

KORS:

Sif die koekmeel, bakpoeier en sout saam.

Klits die olie,melk en eier saam. Voeg die meelmengsel by en klits tot goed gemeng.

Gooi die deeg oor die vulsel. Bak die pastei 25-30 minute by 190ºC. Sit dit warm voor.

 

 

 

 

 

 

BOEREWORS PASTEI

 

1 rol (400 g) reg-om-te-gebruik-skilferkorsdeeg

45 ml heelkorrelmosterd

4 stukke boerewors van 15 cm elk

1 eier, geklits

METODE:

Voorverhit die oond tot 210 °C. Rol die skilferkorsdeeg effens dunner uit op ’n meelbestrooide oppervlak. Sny in vier ewe groot reghoeke. Smeer elke stuk deeg met ’n lagie heelkorrelmosterd.

Druk die vleis van elke stuk wors versigtig uit die derm en vou dit in die deeg toe. Seël die kante met ’n vurk en verf met geklitste eier. Pak op ’n bakplaat wat met bakpapier uitgevoer is.

Bak vir 10 minute, verlaag dan die temperatuur na 180 °C en bak ’n verdere 10-15 minute. Sit voor met skyfies en tamatiesous of blatjang. Lewer vier pasteie.

 

 

 

 

 

 

SAMPIOEN EN BOEREWORS PASTEI

 

300 g boerewors

30 ml (2 e) olie

1 rooi soetrissie, in blokkies gesny

200 g sampioene, gehalveer

1 ui, fyn gekap

2 knoffelhuisies, fyn gekap

15 ml (1 e) koekmeel

500 ml (2 k) aftreksel

500 g skilferkorsdeeg

1 geklitste eier vir verf

METODE:

Voorverhit die oond tot 180 °c.Verhit ’n groot braaipan en braai die boerewors tot gaar.

Sny die wors in blokkies.

Verhit die olie en braai die soetrissie, sampioene, ui en knoffel ’n paar minute. roer die koekmeel by.

Hou aan roer tot al die groente met meel bedek is.

Gooi die aftreksel en gaar wors by en roer 15 tot 20 minute tot die sous verdik.

Deel die vulsel tussen 2 middelslag-bakke en bedek elkeen met skilferkors.

Verf met ’n geklitste eier en bak 15 tot 20 minute of tot gaar.

 

 

 

 

 

 

LAMPASTEI

 

(6 porsies)

2 kg lamsboud, in blokkies gesny

70 g (125 ml) koekmeel

sout en varsgemaalde swartpeper na smaak

30 ml olyfolie

30 ml botter

3 uie, gehalveer en in dun skywe gesny

2 knoffelhuisies, fyngekap

200 ml rooiwyn

300 ml beesvleis-aftreksel

2 lourierblare

5 ml droë tiemie

Aartappeldeeg

200 g bruismeel

knippie sout

150 g ongesoute botter, in klein blokkies gesny

2 gekookte aartappels (sonder vel), fyngedruk

1 eier, effens geklits

METODE:

Verhit oond tot 180 °C. Rol lamsvleis in meel en geur met sout en swartpeper.

Skud die oortollige meel af. Verhit olyfolie in ’n kastrol en braai die vleis (nie alles op een slag nie) tot bruin. Haal vleis uit en hou eenkant.

Smelt botter in dieselfde kastrol en braai uie vir sowat 5 minute tot sag. Voeg knoffel by en braai verder vir 1 minuut. Sit die lamsvleis terug in kastrol saam met die rooiwyn, aftreksel, lourierblare en tiemie. Geur met sout en swartpeper. Bring die vulsel tot kookpunt en maak toe met ’n deksel.

Plaas kastrol in die oond vir 1 – 1½ uur tot die vleis sag is. Haal uit en skep in ’n 1,5 liter-pasteibak. Laat afkoel voor jy die deeg opsit.

Terwyl die vulsel afkoel, kan jy die deeg maak. Sif die bruismeel in ’n groot mengbak. Voeg sout by.

Vryf die botter in tot dit soos broodkrummels lyk. Voeg die fyn aartappels by en maak aan tot ’n deeg. Maak toe met kleefplastiek en plaas in die yskas vir 30 minute. Verhit oond weer tot 180° C. Rol die deeg uit op ’n meel-bestrooide oppervlak.

Die deeg kan nogal sag wees.

Gebruik ’n koekiedrukker en sny sirkels uit.

Plaas die sirkels bo-op die deeg. Verf die deeg met geklitste eier en plaas in warm oond vir sowat 30 – 35 minute.

 

 

 

 

 

 

LAMPASTEI MET FETA & SPINASIE

 

500 - 700 g lamsboudvleis, in klein blokkies gesny, alle vet verwyder

1½ koppie (375 ml) hoender- of beesvleisaftreksel

1 bossie spinasie, baie goed gewas en opgekap (gooi stingels weg)

2 teelepels (10 ml) sago, in warm water geweek tot sag (sowat 2 uur)

½ teelepel (2,5 ml) orego

½ teelepel (2,5 ml) basiliekruid

2 teelepels (10 ml) tamatiepasta

knippie suiker

1 wiel fetakaas, gekrummel

400 g bevrore skilferkorsdeeg, ontdooi

1 eier, geklits

sout en swartpeper na smaak

METODE

1. Voorverhit oond tot 200 grade.

2. Bedek vleis met aftreksel en stowe stadig oor matige hitte tot sag, sowat 2 uur. Voeg nog water by as dit lyk of die pot droog kook; jy het ¾ koppie (180 ml) van die sous later nodig. Skep vleis met gaatjieslepel uit en hou eenkant tot benodig.

3. Kook die fyngekapte spinasie in 'n kastrol met 2 eetlepels (30 ml) kookwater vinnig oor hoë hitte tot gaar, sowat 4 minute. Skep uit i 'n sif oor die wasbak en druk alle vog met die agterkant van 'n houtlepel uit. Jy wil 1 koppie (250 ml) gaar spinasie hê.

4. Verhit nou die kastrol of pan met die ¾ koppie (180 ml) vleissous in en voeg die geweekte sago, kruie, tamatiepasta, suiker, feta en skaapvleis by. Geur na smaak met sout en peper - onthou die feta is reeds sout. Meng goed.

5. Skep vleisvulsel in 'n oondvaste tertbak, bedek eweredig met die gaar spinasie en sprinkel peper oor. Laat heeltemal afkoel voordat die pasteideeg bo-op die vulsel geplaas word. Verf die deeg liggies met geklitste eier en bak vir 'n halfuur tot goudbruin en bros. Sit voor met groente.

 

 

 

 

 

 

CHAKALAKA HERDERS PASTEI

 

15ml olie

1 ui, gekap

300g maalvleis

15ml tamatiepasta

1 blik chakalaka

250 ml ertjies

2 groot patats

1 groot aartappel

100 ml volroommelk

’n klont botter

METODE:

1 Braai die ui in die olie tot glansend. Voeg die maalvleis by en braai dit bruin. Breek die vleis op met ’n spaan. Geur na smaak met sout en peper. Voeg die tamatiepasta by en braai vir nog ’n minuut of twee. Voeg die chakalaka en ertjies by en laat prut vir 15 minute – voeg ’n bietjie water by as die sous te droog lyk.

2 Skil die aartappel en patats en sny dit in blokkies. Kook dit in soutwater tot sag, dreineer en maak die groente saam met die melk fyn. Geur met sout, peper en neutmuskaat. Skep die vleis in ’n oondbak, bedek dit met die patat-en-aartappelmengsel en stip met botter. Bak die pastei in ’n voorverhitte oond vir 25-30 minute tot goudbruin.

 

 

 

 

 

 

PEPPER STEAK PIE

 

JY BENODIG:

2 uie (opgekap)

1 green pepper (opgekap)

1 pakkie sampioene (opgekap)

500g Topside Maalvleis

500g goulash

2 aartappels in klein blokkies gesny

Gemaalde swartpeper na smaak

Sout na smaak

2 pakkies Royco swartpeper sous

1 eetl woschestersous

2 pakkies gevriesde puff pastry (400g)

METODE:

Braai uie, greenpepper en vleis saam in bietjie olie.

Gooi Worcester sous en peper by.

Dan as dit bruin gebraai is gooi sampioene en aartappels by.

Gooi water by en kook vleis tot sag.

Sodra vleis sag is maak pakkies aan soos aangedui op pakkie en gooi in en kook op lae hitte vir 5 min.

Hou dop sodat dit nie aanbrand nie.

Smeer diep bak botter of spray en cook.

Druk eerste pak pastry onder bak bodem en kante vas.

Gooi vleis in bedek weer met pastry bo op omthou om gaatjie in middel te steek ander kook hy oor.

Smeer met eier en bak tot goud bruin op 180 grade. Bedien saam groen slaai

 

 

 

 

 

 

SPINASIE EN FETA PASTEI

 

80 ml botter, gesmelt

400 g spinasie

1 groot ui, grof gekap

2 knoffelhuisies, grof gekap

Grofgemaalde swartpeper

300 g fetakaas, gekrummel

50 ml olie

Halwe pak filodeeg, ontdooi

METODE:

Voorverhit oond tot 200 °C en smeer ’n middelslag-oondbak met van die gesmelte botter. Spoel spinasie af onder koue water en dreineer goed. Gebruik kombuispapier of ’n afdroogdoek om die spinasie droog te druk. Snipper spinasie baie fyn en hou eenkant.

Verhit van die botter en braai die ui en knoffel vir ’n paar minute totdat dit deurskynend is. Geur met peper. Meng uiemengsel met spinasie en fetakaas in ’n groot mengbak en geur met peper. (Moenie sout bysit nie, want die fetakaas is reeds sout.)

Meng die res van botter met olyfolie. Vou filodeeg oop op ’n skoon oppervlak. Hou drie velle uit.

Halveer res van filodeeg in die lengte en smeer elke vel met botter-en-oliemengsel.

Plaas twee van die gesmeerde helftes op mekaar en skep ’n groot lepelvol spinasiemengsel op die velle.

Rol liggies toe en pak rolletjies in die bak. Herhaal met res van vulsel en filodeeg.

Smeer rolletjies met bottermengsel en rangskik velle wat jy uitgehou het op die rolletjies.

Jy kan dit met jou hande frommel. Verf dit met die res van die bottermengsel.

Bak vir 15 minute, verlaag die hitte en bak vir nog sowat 15 minute of tot gaar. Genoeg vir ses mense.

 

 

 

 

 

 

STEAK & KIDNEY PASTEI

 

500g niertjies (bees of skaap, skoongemaak en in hap-grootte blokkies gesny)

1kg chuck steak blokkies (Ongeveer 2,5cm x 2,5 cm)

3 groot uie in kwarte gesny

2 k water

Aromat na smaak

Peper na smaak

2 pakke skilferkors

METODE:

Braai jou niertjies en steak in bietjie olie tot steak mooi bruin is.

Gooi als in 'n stoompot saam met die uie, aromat en 2 k water.

Stoom ongeveer 20 min.

Gooi in oondvaste bak en bedek met skilferkors.

Smeer kors met bietjie melk en 1 eier geel gemeng.

Bak in 180°C oond tot goudbruin.

 

 

 

 

 

 

 

MAKLIKE VARKPASTEITJIES

 

VULSEL:

700 g gehalte-varkworsies

1 ui, fyn gekap

10 ml (2 t) fyn gekapte knoffel

15 ml (1 e) olyfolie

30 ml (2 e) vinkelsaad

fyn gerasperde skil van 1 lemoen

45 ml (3 e) port

’n groot hand vol pietersielie en grasuie, fyn gekap

sout en gemaalde swartpeper

1 appel, gerasper

DEEG:

200 g koekmeel

200 g botter

200 g cheddar

gerasper eierglaseersel

VULSEL:

Druk die varkvleis uit die omhulsel in ’n mengbak uit.

Braai die ui en knoffel in ’n pan tot goudkleurig. Roer die worsvleis by en braai vir 5 min. Gooi die vinkelsaad, lemoenskil, port en kruie by en meng goed. Geur met sout en peper. Sit laastens die appel by.

DEEG:

Verwerk al die bestandele in ’n voedselverwerker tot dit bymekaarkom. Vorm ’n plat sirkel, draai in kleefplastiek toe en sit vir 1 uur in die yskas.

Rol die deeg 5 mm dik op ’n skoon, meel-

bestrooide werkvlak uit.

Druk 15 cm-sirkels uit en voer ’n muffin-pannetjie met 6 holtes met die deegsirkels uit.

Verdeel die vulsel tussen die holtes en bedek elk met ’n 7 cm-sirkel. Knyp die deksel met jou vingerpunte toe en verf met geklitste eier.

Bak vir 40 min. of tot goudbruin en gaar. Laat effens afkoel voor jy die pasteitjies uithaal.

 

 

 

 

 

 

VISPASTEI

 

700g skelvisfilette,

600ml melk,

1 ui in dun skyfies gesny,

1 lourierblaar,

4 swartpeperkorrels,

1x350g salmfilet,

150ml droe wit wyn,

120g steurgarnale -skoongemaak,

1/3kop botter,

60ml meel,

2 eiers hardgekook,afgedop &fyn gekap,

30ml gekapte pietersielie,

sout&witpeper

1Kg aartappels,geskil.

METODE:

Plaas skelvis,500ml melk,uie,lourierblaar &peperkorrels in 'n pan.

Verhit tot kookpunt &laat 10min prut of tot vis maklik vlok.Dreineer maar behou vloeistof.

Plaas salm &wyn in ander pan &verhit tot kookpunt.

Voeg steurgarnale by &laat so 2min prut.

Dreineer vis,maar behou vloeistof.

Smelt 30ml botter &roer meel by.Roer oor matige hitte vir so 2min.Roer behoue melk &wyn by en tot kookpunt.

Verwyder van hitte.

Vlok vis grof &roer by sous.Roer eiers &pietersielie by &geur na smaak.Skep in gesmeerde pasteibak.

Kook aartappels in soutwater tot sag.Druk fyn &voeg oorblywende melk &botter by,Geur na smaak.

Plaas in spuitsak &spuit rosette bo-op pastei,Bak in voorverhitte oond by 180gC vir 20min of tot goudbruin.

Dien warm op.

 

 

 

 

 

 

TUNA PASTEI

 

1 of 2 pakke skilferkors, uitgerol

2 blikke tuna, gedreineer en gevlok

mayonnaise na smaak

1 ui, fyngekap

½ groen soetrissie, fyngekap

handvol peppadews, fyngekap

2 huisies knoffel, fyngemaak

METODE

Meng alles goed saam, plaas op die deeg en rol dit op.

Jy kan ook twee stukke skilferkorsdeeg gebruik deur die vulsel op die een te plaas en te bedek met die ander een.

Smeer met melk en eier.

Bak teen 210 grade vir 20 minute.

 

 

 

 

 

 

WILDSPASTEI

 

Genoeg vir: 8-10

Bereidingstyd: 1 uur

Gaarmaaktyd: 11⁄2 uur

Oondtemperatuur: 180 ˚C

 

olyfolie

2 kg wildsvleis, in stukke gesny

1 liter beesvleisaftreksel

2 uie, grofgekap

2 groot aartappels, grofgekap

125 ml blatjang

1 blik klappermelk

100 g beesstert-soppoeier

gesmelte botter

klaargemaakte skilferdeeg

1 eier, liggies geklits

METODE:

Verhit ’n laag olyfolie in ’n groot kastrol en braai ’n paar stukke wild op ’n slag bruin. Skep dan al die vleis terug in die kastrol.

Verhit die aftreksel tot kookpunt en gooi dit oor die vleis – al die stukke moet bedek wees. Geur met ’n bietjie swartpeper en laat prut tot sag. Haal van die plaat af en laat afkoel.

Gooi die inhoud van die kastrol deur ’n sif en hou die aftreksel. Sny die vleis in kleiner stukkies. Haal enige bene en senings uit.

Verhit ’n bietjie olyfolie in ’n skoon kastrol en soteer die uie tot deurskynend.

Gooi van die aftreksel wat jy uitgehou het in ’n kastrol en kook die aartappels sag.

Gooi die vleis, blatjang en klappermelk by die aartappels.

Meng die soppoeier met ’n bietjie koue water en roer dit ook by. Laat prut tot verdik. Voeg nog aftreksel by indien nodig. Haal van die plaat af en laat heeltemal afkoel.

Smeer ’n oondbak met botter. Rol die deeg uit op ’n oppervlak waaroor jy liggies meel gestrooi het en voer die bak daarmee. Skep die vulsel in die

deegdop.

Bedek die vulsel met nog ’n laag deeg en druk die kante aan mekaar vas. Verf die deeg met geklitste eier. Bak in die verhitte oond

tot goudbruin en gaar.