GAARMAAK METODES

 

 

 

KLAM HITTE (met vloeistof of bedek)

 

POTBRAAI

 Vir taaier, heel vleissnitte of ontbeende rolle wat meer as 1,5 kg weeg (anders vind te veel inkrimping plaas). Bind die vleis vas met tou om die vorm te behou. Braai die vleis in ’n bietjie olie of botter. Voeg ’n bietjie verhitte vloeistof by, plaas die deksel op, verlaag die hitte en laat prut tot die vleis sag is.

 

STOWE EN SMOOR

Braai vleisblokkies of porsies in ’n bietjie olie in ’n groot kastrol met ’n stewige basis en skep uit. Braai die uie saam met heel kruie in olie. Voeg die vleis en ’n bietjie verhitte vloeistof by, sprinkle die fyn speserye oor, sit die deksel op en laat prut oor lae hitte tot die vleis sag is. Voeg die groentes sowat 40-30 minute voor die einde by. Smoor is wanneer die vleis van die begin af op ’n bed groente gaargemaak word.

 

KASSEROL

Braai eers die vleis in die kasserol in olie of botter. Voeg verhitte vloeistof en geurmiddels by. Maak dig toe (met tinfoelie of die deksel) en maak gaar vir die verlangde tyd.

 

BAKSAKKIE

Vryf die heel vleissnit met geurmiddels, plaas dit in die baksakkie, bind dit toe met tou en prik ’n paar gaatjies in die sakkie. Plaas dit in ’n oondskottel en maak die gereg gaar volgens berekende tyd. Vir taaier heel vleissnitte van meer as 1,5 kg, blokkies, skywe en stukke. Dit word altyd in die oond gedoen. Temperatuur: 160 °C. Tydsberekening: 45-50 minute per 500 g vleis plus 40 minute ekstra.

 

DROË HITTE

OONDBRAAI

Vir sagte heel vleissnitte van 1,5 kg of meer. Vryf die vleis in met geurmiddels. Plaas dit onbedek op ’n rakkie wat op die oondpan pas. Dit word altyd in die oond gebraai. Temperatuur: 160 °C. Tydsberekening: Liggaar – 15-20 minute per 500 g plus 15 minute. Mediumgaar – 20-25 minute per 500 g plus 20 minute. Ander droëhittemetodes is nie geskik vir die gaarmaak van voorkwartvleis nie, behalwe as jy riboogsteaks wil rooster.

 

 

 

BEES MOSTERD EN ROOIWYN BREDIE

500g beesvleis in vlokkies gesny

30ml koekmeel

30ml kook olie

15ml dijon mosterd

30ml wholegrain mosterd

2 knoffelhuisies fyn gekap

1 ui fyn gekap

15ml tamatie paste

10ml tiemie

1 beef stock pot

375mlrooiwyn+ 250ml water

625 water as jy nie wyn gebruik

2 groot wortels of paar baba wortels

1 selery op gesny

METODE

Meng die vleis met die meel tot goed bedek

maak olie warm en braai die ui sit die vleis

by en braai die vleis ook tot bruin,sit

die mosterd,knoffel,tamatie paste,tiemie en die

stock pot by, meng goed en kook vir 1 min, sit nou

die wyn en water by, dan die wortels maak pot toe

en laat stadig kook vir 45min of tot vleis sag is roer

gereeld geur met sout en pepper na smaak

 

 

 

 

BEESVLEIS BREDIE

1,2 kg lamskenkel-beesstowevleis, in stukke

1 kg ryp tamaties

65 g tamatiepasta, met water verdun

30 ml olie

10 ml botter

2 uie, grof gesny

5 swartpeperkorrels

5 naeltjies

5 wonderpeperkorrels

5 t (25 ml) fyn koljander

5 ml fyn komyn

2 knoffelhuisies

250 ml kookwater

6 mediumgrootte aartappels, in kwarte gesny

15 ml sout

5 ml gemaalde peper

10 ml suiker

4 vars of 2 droë lourierblare

Opsioneel: skil van 1 lemoen en Biltong

METODE:

Laat lê die tamaties ’n halfminuut in kookwater en laat afkoel in koue water.

Verwyder die skilletjies en kap tamaties op.

Verhit olie en botter in ’n gietysterpot of geskikte swaarboomkastrol en braai vleisblokkies tot goudbruin.

Gooi uie by en verbruin.

Roer peperkorrels, wonderpeper, koljander en komyn by.

Gooi kookwater by en prut ’n uur met deksel op.

Gooi tamaties, aartappel, sout, gemaalde peper, suiker en lourierblare en opsionele lemoenskil by. Stowe nog ’n uur.

Wenk: Om die sous te verdik, vryf 15 ml botter in by 15 ml meelblom. Roer dit by die bredie. Kook tot dik. Voeg Biltong laaste by bo op bredie.

 

 

 

 

BEESVLEIS KORMA

 

30 ml (2 e) meel

sout en peper

1 kg beesvleis-ghoelasj-blokkies

30 ml (2 e) olie

1 ui, gekap

3 knoffelhuisies, gekap

50 g korma-kerriepasta

15 ml (1 e) suiker

250 ml (1 k) beesvleisaftreksel

400 g (1 blik) klapperroom

100 g groenbone

rys en poppadums vir voorsit

geroosterde neute en gekapte vars koljander vir garnering

METODE:

Plaas die meel in ’n plastieksak, geur met die sout en peper en voeg die beesvleis by. Maak die sak toe en skud om te bedek.

Verhit die olie in ’n kastrol oor matige hitte en verbruin die vleis klompie vir klompie. Skep in ’n bak uit en hou eenkant.

Verminder die hitte en voeg die ui en knoffel in die kastrol. Kook 5 minute of tot sag terwyl jy af en toe roer.

Plaas die vleis terug in die kastrol. Meng die kerriepasta, suiker en aftreksel in ’n bak en roer by die vleis in. Voeg die klapperroom by en laat prut 1 uur.

Voeg die bone by en laat prut 5 minute.

Sit voor in bakkies met die rys en poppadums en bestrooi met die neute en koljander.

 

 

 

 

GOULASH

​

30ml olie

700g steak in blokkies gesny

30ml koekmeel

2 uie

2 knoffelhuisies fyn gekerf

1 green pepper

1 red pepper

50ml tamatie paste

30ml paprika

2 tamaties fyn gekap

300ml beef stock

2 eetl pietersielie fyn gekap

swart pepper

METODE:

Braai uie tot sag sit vleis in en braai bietjie,

Strooi paprika oor en meng

Voeg nou res by behalwe die koekmeel en kook tot vleis lekkersag is op lae hitte

Voeg water of droe wit wyn by indien nodig

Maak die sous dik met koekmeel wat aan gemaak is in n bietjie lou water

 

 

               

 

BEESVLEIS-POTBRAAI

​

1kg potbraai beesvleis bv. topside of silverside

botter en sonneblomolie

30 ml koekmeel

500 ml vleisaftreksel

15 ml bruinsuiker

15 ml tamatiesous

15 ml worcestersous

5 ml sout

2 ml mosterdpoeier

knippie peper

Paar geelwortels, in skyfies paar aartappels, gehalveer 

METODE:

Braai die stuk vleis vinnig rondom in 'n swaarboompot in bietjie margarien en sonneblomolie tot goed bruin.

Haal vleis uit en gooi die meeste van die vet af.

Roer die meel by die oorblywende vet in die pot en braai dit effens.

Voeg die vleisaftreksel, bruinsuiker, tamatie- en worcestersous, sout, mosterd en peper by en laat opkook.

Plaas vleis in sous in die pot, sit die deksel op en stowe dit ongeveer 2 uur lank tot sag.

Voeg geelwortels sowat 45 minute en aartappels sowat 30 minute voordat die vleis gereed is by.

 

 

 

 

MURGBENE

​

Voorgereg by braai.

Besprinkel met sout, swartpeper en suurlemoensap.

Braai stadig oor die kole OF

Sit murgbene in ‘n plat ysterpot pot en gooi water in tot 1/2 pad teen bene op.

Sprinkel gemengde kruie en sout na smaak oor.

Sit deksel op en sit pot oor kole en laat dit half uur tot 40 min stoom.

Sit voor met biltong, varsgebakte brood en room.

 

 

 

 

 

SOUSERIGE BEESSTERT

​

2 kg beesstert (in porsies gesny)

paprika

koekmeelblom

250g swoerdlose spekvleis (in blokkies)

2 groot uie (gekap)

2 knoffelhuisies (gekneus)

60ml tamatiepasta

10ml roosmaryn

500ml droë rooiwyn

410g heel tamaties

250ml vleisaftreksel

sout

vars gemaalde swartpeper

METODE:

Rol beesstert in mengsel van paprika en meelblom. Braai spekvleis in eie vet. Verwyder uit pot en hou eenkant. Giet olie in pot indien nodig en braai beesstert in klompies tot goudbruin. Hou eenkant. Soteer uie in dieselfde pot tot sag en voeg knoffel by. Roer tamatiepasta en roos maryn by en voeg wyn by. Verhit tot kookpunt en skraap boom om deeltjies wat vassit, los te maak. Voeg tamaties en aftreksel by vloeistof en voeg beesstert en spekvleis by. Verhit tot kookpunt, verlaag hitte en plaas deksel op. Laat prut tot vleis sag is, - ongeveer 2 ure. Geur na smaak. Indien verkies kan sous verdik met pasta van meelblom en water.

 

 

 

 

FILLET MIGNON MET KRUIE

​

15 ml vars pietersielie, gekap

10 ml tiemie

5 ml roosmaryn

10 ml gerasperde suurlemoen skil

1 knoffelhuisie, fyn gekap

4 bees tenderlion filette ( ± 115 g elk)

sout na smaak

Varsgemaalde swartpeper na smaak

METODE:

Meng die al die kruie en hou dit eenkant.

Sprinkel die vleis met sout en peper aan beide kante.

Braai die vleis 2 tot 4 minute aan elke kant.

Strooi die kruie bo-oor en bedien dadelik.

 

 

 

 

 

 

COWBOY STEAKS

​

6 steaks, snit van jou keuse , elk 2,5 cm dik gesny

12.5ml koekmeelblom

25ml sojasous

340ml bier

50ml rissiesous

12.5ml aangemaakte mosterd

2ml Tabascosous

1 middelslag ui, gekap

4 knoffelhuisies, geskap 2 selderystingels, gekap

5ml sout

2ml peper

METODE:

Sny kepies in vetrande van vleisskywe.

Meng alle bestanddele behalwe sout en peper en laat ‘n halfuur lank prut.

Verf sous oor vleis terwyl dit tot die verlangde graad van gaarheid gerooster word. Geur met sout en peper en sit dadelik voor.

 

 

 

 

 

WIENER SCNITZEL

​

4-6 steaks (goed met vleis hammertjie gekap)

koekmeel

sout en pepper

2 eiers geklits met bietjie melk

droee brood krummels

olie om in te braai

METODE

Geur vleis met sout en pepper rol in meel tot bedek

Rol in eier, dan in brood krummels

Bak in vlak olie tot mooi goud bruin

 

 

 

 

STADIGE GEKOOKTE BEESVLEIS PASTA

​

500 g “chuck” steak - in blokkies gesny

45 ml koekmeel (3 el)

30 ml olie (2 el)

1 ui - gekap

3 knoffelhuisies - gekap

2 selderystingels - gekap

2 wortels - in skywe gesny

2 takkies tiemie

2 x 410 g blikke heel tamaties

375 ml beesaftreksel (1½ kop)

350 g rigatoni pasta

pietersielie vir garnering

METODE:

Voorverhit oond tot 180 ° C.

Bedek die beesvleis effens met die koekmeel en skud enige oortollige koekmeel af.

Braai die vleis in die olie in ’n oondvaste pot op matige hitte tot bruin.

Verlaag die hitte, voeg die uie en knoffel by en braai 2 minute.

Voeg die seldery en wortels by en braai nog 2 minute.

Meng die tiemie, tamaties en aftreksel by en braai 5 minute.

Plaas in die oond vir 2 uur of tot die vleis sag en die sous dik is.

Kook die pasta volgens die aanwysings op die pak.

Wanneer dit gaar is, voeg by die vleis en meng deeglik.

Garneer met die pietersielie.

 

 

 

 

GEROOSTERDE BEES KORTRIB

 

1,5 kg bees-kortrib met bene

takkies vars kruie (tiemie, roosmaryn of salie)

500 ml rooiwyn

olyfolie

6 repe streepspek, gekap

12 baba-uie, geskil

1 ui, fyngekap

2 knoffelhuisies, fyngedruk

2 selderystele, gesny

1 blik gekapte tamaties

500 ml voorbereide beesaftreksel

2 lourierblare

’n klein bakkie babawortels, of gebruik 4 middelslag-wortels, in ringe gesny

250 g sampioene, gehalveer of in skyfies gesny

30-50 ml koekmeel

125 ml bevrore ertjies

METODE:

Sny enige oortollige vet van die kortribstukke af. Sit dit in ’n bak saam met die kruie en rooiwyn. Bedek die bak en laat dit vir ’n paar uur of verkieslik oornag marineer.

Haal die vleis uit die marinade, maar moenie die marinade weggooi nie.

Druk die vleis droog met kombuispapier. Verhit ’n laag olyfolie in ’n ander kastrol of oondbak. Braai die vleis – net ’n paar stukke op ’n slag – tot dit oraloor mooi bruin is. Skep dit uit die kastrol en hou dit eenkant. Gooi nog ’n bietjie olie in die kastrol en braai die spek. Voeg die baba-uie, gekapte ui, knoffel en seldery by en soteer dit tot dit bruin is. Voeg die tamaties, aftreksel en die wynmarinade by en verhit dit tot kookpunt.

Skep die mengsel in die oondbak. Voeg die vleis en ’n paar takkies vars kruie en lourierblare by. Bedek die bak en sit dit vir twee uur in die verhitte oond.

Voeg ná twee uur die wortels en sampioene by en draai die vleis om. Bedek die bak weer en sit dit vir ’n uur terug in die oond tot die vleis baie sag is.

Meng die meel met ’n bietjie water om ’n pasta te vorm – gebruik ’n bietjie meer indien jy van ’n dikker sous hou. Roer ’n bietjie van die sous by die meelmengsel, en roer dan die meelmengsel by die bak met die vleis. Laat dit prut tot die sous begin verdik. Voeg die ertjies by en laat dit kook tot die ertjies deurwarm is. Geur dit na smaak en sit dit saam met die mosterd-kapokaartappels en geroosterde pampoen voor.

 

 

 

 

 

BEESVLEIS BOBOTIE

​

Dis een van die bekendste geregte en tipies Suid-Afrikaans

Oorspronklik is dit met gemaalde lamsvleis gemaak, maar dis nie meer so maklik te kry nie.

Gebruik gerus gemaalde beesvleis - dit werk net so goed.

 

1 kg beesmaalvleis

1 dik sny bruinbrood

250 ml melk

2 uie, gehalveer en in skywe gesny

30 ml sonneblomolie

15 ml matige kerriepoeier

10 ml borrie

15 ml fyn appelkooskonfyt

1 eier, geklits

30 ml witwynasynlourierblare

sout en varsgemaalde swartpeper na smaak

EIER BOLAAG:

3 eiers

375 ml melk

sout en varsgemaalde swartpeper na smaak

METODE:

Verhit jou oond tot 180 °C.

Week die bruinbrood tot sag in die melk.

Maak die brood fyn met ’n vurk.

Verhit die olie in ’n pan en braai uie tot sag en effens bruin.

Voeg die kerriepoeier, borrie en appelkooskonfyt by en braai liggies vir sowat 2 minute.

Haal die pan van die hitte af. Meng die maalvleis en brood in ’n mengbak.

Voeg die uiemengsel en die res van die bestanddele behalwe die lourierblare by.

Meng goed en geur met sout en varsgemaalde swartpeper.

Plaas die mengsel in ’n oondbak van sowat 30 x 25 cm en druk die lourierblare bo-op.

Sit in die warm oond en bak vir 15 minute.

Klits intussen die eiers en melk saam en geur met sout en swartpeper.

Haal die bobotie uit die oond en gooi die eiermengsel oor.

Plaas terug en bak verder vir nog 25 minute.

​

​

​

 

 

MOSTERD-STEAK

 

Dis by verre my gunsteling manier om steak voor te berei vir ’n braai.

En die romerige mosterdsous wat bo oor kom, is só lekker, jy sal jou bord wil uitlek!

Onthou net die gulde reël vir steak braai – die vleis moet kamertemperatuur wees voor dit gebraai word en hoe warmer die kole, hoe beter.

1 kg steak van jou keuse - teen kamertemperatuur

30 ml Dijon mosterd

olyfolie

balsamiese asyn

sout en vars gemaalde swartpeper - na smaak

sap van 1 suurlemoen

Smeer die steaks goed in met die mosterd, drup olyfolie oor en laat staan vir 10 minute.

Drup balsamiese asyn oor.

Draai die steaks om sodat albei kante met ’n asyn en olie lagie bedek is.

Sit op die rooster en geur met sout en peper.

Braai vinnig op warm kole tot geseël, draai om en geur aan die ander kant met sout en peper.

Braai tot gaar na smaak.

Verwyder van die kole en druk vars suurlemoensap bo oor uit.

Laat rus die vleis vir 5 - 10 minute.

MOSTERDSOUS

500 ml room

30 ml heel korrelmosterd

20 ml heuning

sout na smaak

Verhit die room, mosterd en heuning tot kookpunt en kook vinnig tot dit met die helfte afgekook is en begin verdik.

Geur na smaak met sout en sit voor met die steak.

 

 

​

​

 

ROMERIGE BRANDEWYN EN SAMPIOEN STEAK

​

4 x 25 mm dik kruisskywe

knyp sout

vars gemaalde swartpeper

150 g botter

200 ml suurroom

3 knoffelhuise, fyn gekap

15 ml gekapte vars gemengde kruie

pakkie gekapte vars sampioene

60 ml brandewyn

20 ml suurlemoensap

METODE:

Meng die bestanddele van die brandewyn-en-sampioenroom saam.

Rooster die vleis oor gloeiende kole tot liggaar, 10-12 minute aan albei kante, of halfgaar, 16-18 minute aan albei kante.

Geur met sout en peper. Verdeel die -brandewyn-en-sampioenroom in vier gelyke dele en skep 'n deel daarvan bo-oor elke vleisskyf.

 

 

​

​

 

FEESTELIKE FILLET MET PORT-EN-KAASBOTTER

​

6 beesfiletskywe, 25 mm dik

sout en varsgemaalde swartpeper

Port-en-kaasbotter

160 g botter (150 ml)

100 g gerasperde Cheddar-kaas (250 ml)

60 ml gekrummelde Blaauwkrantzkaas

30 ml port

30 ml fyngekapte vars pietersielie

METODE

Room botter in voedselverwerker en voeg res van bestanddele geleidelik by. Skep botter op 'n stuk bladaluminium. Vorm in 'n rolletjie, draai toe en plaas in vrieskas. Rooster filet in 'n verhitte roosterpan na smaak: lig gaar 6-8 minute en medium gaar 8-10 minute. Sny botter in skyfies, plaas bo-op vleis.

​

​

​

 

MOSTERDSKYWE MET KAAS

​

4x300g kruisskywe, 25mm dik

30ml aangemaakte Engelse mosterd

15ml kookolie

15ml suurlemoensap

10ml vars gekapte kruie

4 dun skywe kaas(Cheddar of Gruyère)

Sny vetkante van skywe in.

Meng mosterd, olie en suurlemoensap.

Rooster skywe 5-6 minute aan een kant oor warm kole, draai om en smeer helfte van mosterdmengsel oor gaar kant.

Rooster nog 5-6 minute.

Draai skywe om en smeer res van mosterdmengsel aan die ander kant.

Strooi kruie oor en plaas ‘n skyfie kaas bo-oor.

 

 

​

​

 

BIEFSTUK IN GEURIGE SOUS

​

700g Tenderised Steak

sout en peper na smaak

rooipeper na smaak

250ml koekmeelblom

30ml olie

2 groot uie, gekap

750ml water

50ml tamatiesous

50ml worcestersous

25ml souspoeier

10ml mielieblom, aangemaak met bietjie koue water

1 blokkie biefekstrak, gekrummel

 

Voorverhit oond tot 180C.

Geur vleis met sout, vars gemaalde swartpeper en rooipeper na smaak.

Bedek vleis alkante met koekmeelblom en skud oortollige meel af.

Verhit olie in braaipan en braai vleis vinnig bruin.

Skep vleis uit en plaas helfte daarvan in ‘n enkellaag in ‘n oondskottel.

Braai uie oor matige hitte in dieselfde pan tot sag, vir sowat 10-15 minute.

Skep helfte van uie oor vleis in oondskottel.

Plaas laaste helfte vleis op uie en eindig met ‘n laag uie.

Meng die res van die bestanddele en giet oor die vleis en uie in die oondskottel.

Bedek met foelie en plaas in die oond vir ‘n uur + of totdat vleis sag is.